Ақмола туристік объектілері «Сапа белгісі» бағдарламасына белсенді қатысып жатыр
Ақмола облысы кәсіпкерлер палатасының сарапшылары «Kazakh Tourism» ҰК» АҚ бастамасымен құрылған жұмыс тобының құрамында Бурабай ауданының бірқатар туристік нысанын аралады. Жұмыс тобына облыстық туризм басқармасы, «Visit Aqmola» туристік ақпараттық орталығының өкілдері де кірді.
Жұмыс тобының мүшелері «Rixos Borovoe», «Әлем+», «Grand Hotel Burabay», «Інжу», «Нұрсат» және «Береке» санаторийлеріне барып, кешенді тексеру жүргізіп, сапа белгісін беру туралы кейіннен шешім қабылдау үшін міндетті және қосымша стандарттардың сақталуын бағалады.
Айта кетейік, туристік кәсіпорындарды аралаудың арнайы кестесі бар. Бұған дейін «Riverside Burabay», «Dostar Tau», «Оқ-Жетпес», «Бурабай» сауықтыру кешені, «Eurasia De Luxe» және басқа да туристік нысандар бағаланған болатын.
«Еске салсақ, 2021 жылы Kazakh Tourism қызмет көрсету стандарттарын арттыру және Қазақстанның туристік саласын дамыту мақсатында «Сапа белгісі» бағдарламасына бастамашылық жасаған болатын. Оған түрлі туристік нысандар, соның ішінде меймандарды орналастыру орындары, қоғамдық тамақтандыру пункттері, туроператорлар қатыса алады. «Сапа белгісі» - туристік бизнеске бәсекеге қабілеттілікті арттыруға және тұтынушылар тарапынан сенімді нығайтуға мүмкіндік беретін сервистің жоғары деңгейінің дәлелі», - дейді Өңірлік палата директоры Ерқанат Мұсылманбек.
Айта кетейік, биыл Ақмола облысы Kazakh Tourism бағдарламасына қатысып, беделді «Сапа белгісін» алуға өтінімдер саны бойынша көш бастап тұр. Бүгінгі таңда өңірдің туризм индустриясының 16 өкілі өз бизнесінің жоғары ұлттық және халықаралық сапа стандарттарына сәйкестігін растау үшін өтініш берді. Белсенділігі бойынша екінші орында Алматы қаласы, үшінші орында Жетісу облысы тұр.
«Сапа белгісі» иелерінің есімдері осы жылдың 4 желтоқсанында белгілі болады.
Пікір қалдыру:
Пікірлер: