«Open Turkistan» туристік ақпараттық орталығы» ЖШС құру туралы
2022 жылғы 10 Ақпан
4633 просмотров
Жария талқылау мақсатында Түркістан облысы Туризм басқармасының «Open Turkistan» туристік ақпараттық орталығы» ЖШС (бұдан әрі – Серіктестік) құру туралы сұрауы жарияланады.
Нарық субъектісін құру мақсаты – Түркістан облысының туризм саласындағы кәсіпкерлікті, сондай-ақ мемлекеттік-жекешелік әріптестік тетігін қолдау және дамыту. Жаңа заңнамаға сәйкес субсидияланатын жобаларға сүймелдеу жасау және бақылау. Серіктестік құрудың негізгі мақсаты – туризм саласындағы кәсіпкерлік қызметтің деңгейін көтеру.
Серіктестік келесі қызмет түрлерін жүзеге асыруды жоспарлап отыр:
- Коммерциялық қызмет және басқару мәселелері бойынша консультация беру (ЭҚЖЖ 70221);
- Коммерциялық және қоғамдық кәсіпкерлік ұйымдар қызметі (ЭҚЖЖ 94110);
- Ойын-сауық және тақырыптық парктердің қызметі (ЭҚЖЖ 93210).
Сондай-ақ Жарғының 1.8-тармағына сәйкес мынадай негізгі қызмет түрлерін жүзеге асыру жоспарлануда:
- Қазақстан және оның туристік әлеуеті туралы ақпаратты қалыптастыру және тарату;
- туристік өнімді халықаралық туристік нарықта және мемлекет ішінде ілгерілету;
- туристік қызмет саласында жаңа кәсіпкерлік субъектілерін дамыту және ғылыми-әдістемелік қамтамасыз ету үшін жағдайлар жасау, туризм саласына инвесторлар тарту;
- Түркістан облысына жергілікті және шетелдік туристерді тарту;
- туристік ағындарды талдауды зерттеу;
- туристік объектілер салуды (реконструкциялауды) қаржыландыру/инвестициялау;
- инвестициямен байланысты саясатты жүргізу – өсу нүктелерін ынталандыру;
- туризм саласындағы жобалардың преференцияларын, жеңілдікті кредиттеуін/қаржылық лизингін алуда, сыйақы мөлшерлемесін және пайыздық мөлшерлемелерін субсидиялауда қолдау көрсету;
- аудан әкімдерімен инфрақұрылымды дамыту жоспарын бірлесіп жүргізу;
- туристік қызмет көрсету сапасына мониторинг және бағалау жүргізу;
- дестинацияларды дамытуды жүйелі жоспарлауды қамтамасыз ету;
- жылжыту мен маркетингтің бірыңғай ақпараттық саясаты;
- оқыту/кадрлық саясат (оқытуды, тағылымдамаларды ұйымдастыру, негізгі ойыншыларды тарту және басқа да іс-шаралар).
Құрылтайшысы – Түркістан облысының Туризм басқармасы.
Пікір қалдыру:
Пікірлер: