Алматы қаласының инфрақұрылымдық даму кеңесінің мүшелері Өңірлік кеңеске сайлау науқанын талқылады
Осы күндері Алматы қаласының барлық салалық кеңестері үшін басты мәселе – өңірлік кеңес құрамына сайлау. Инфрақұрылымдық даму кеңесінің кезекті отырысында да бұл сауал қаралды.
Алматы қаласының өңірлік кеңесіне сайлау қаңтар айында өтеді. Дайындық аясында ӨКП директорының орынбасары Жанна Мырзақұлова дауыс беру, сайлау өткізу тәртібі, қажетті құжаттар туралы айтып берді. Дауыс беру күні де келісілді. Кандидаттар салалық кеңестің келесі отырысында ұсынылады. Олар өңірлік деңгейде шешімін таппаған проблемаларды республикалық деңгейге көтеруі керек. Сол себептен, кандидаттар нағыз жанашыр, белсенді, тәжірибелі болуы керек, деп шешті кеңес мүшелері. Себебі, проблема аз емес.
.jpg)
Бүгінгі таңда Алматы қаласының инфрақұрылымдық даму саласында жұмыс істейтін кәсіпкерлер бюрократиялық кедергілерге, жер мен құрылыс материалдарына жұмсалатын шығындардың көп мөлшерімен, арзан несиелер мен инвестициялық қаражатқа жету мүмкіндігінің шектелуіне, коммуникациялармен проблемаларға тап болады.
.jpg)
«Күн тәртібіндегі мәселелерді нәтижелі талқыладық. Біздің құрамға қалалық мәслихат депутаттары кіреді, сондықтан қала шеңберіндегі салалық мәселелерді жедел шешу үшін белгілі мүмкіндіктер бар. Мен Кеңеске ризамын және ізін суытпай біраз шешімдерді бекіттік. Оларды жақын арада жариялаймыз», - деді инфрақұрылымдық даму кеңесінің төрағасы Игорь Проценко.
Пікір қалдыру:
Пікірлер: